Da ORGANISATOR:
I bin da Cheesy vo Grafing, der ans Telefon geht wenn Ihr oruafts oder Eire Emails beantwortet.
Übers oiter spricht ma bekanntlich ned, desweng sog I nur – I bi drei Jahr älter ois da Tom, a hoibs Lebn älter ois d‘Nessi oder da Miche gleich oid wia Christl Stürmer und Elyias M’Barek.
Ich trink gern a guads Glasers Rotwein, mog a an Cafe zu gern ?
Prägt bin i wia mei Bruader Tom durch Bayern 1 und durch die Band vom Baba und Opa „de Dobebuam“
Gfrein duads mi immer mit am Brautpaar oder am Veranstalter zam zum hocka und a Feier mit zu planen, wo mir auf guade und langjährige Erfahrunga zruck greifa kennan. Bei uns laft einfach ois persönlich ob, do für nehman mir uns a gerne mehra Zeit

Spuin du i Keyboard, Quetschn und a bissal E-Bass, natürlich a singa und moderieren.

Warum de Band mixxtour…… weil da Tom und I irgendwann die Idee gkappt ham unser Duo zu erweitern.

Für mi bedeit die Band unheimlich vui, guade Freindschaft, zamsei wia a Familie, vui Zeit miteinander, Spaß an der Muse, mitnand de Gäste a freid macha.

Die schensten Erlebnisse san die, wenn a Brautpaar am Ende da Hochzeit oan fest druckt und sogt, „danke Ihr habts unsan Dog zum schensten gmacht“. Mir wuin ned da Dienstleister auf ana Hochzeit oder Veranstaltung sei, sondern a Teil des Fests.

Dank an die Band, das mir noch so langa Zeit immer no so vui Spaß ham ois wia bei der ersten Probe.
Bleima olle xsund und muter.

Mei Lebensspruch is: dram wia a Kind, voig deim Herzen, sei dankbar und arbat hart.

Da Cheesy